ҮЗДІКТЕР МАРАПАТТТАЛДЫ
Ел тәуелсіздігінің 25 жылдығына орай Қызылорда облыстық телекоммуникация дирекциясы мамандары түрлі марапатқа ие болды.
Мерекеге орай арнайы өткен жиында ұжымды құттықтаған бас директордың міндетін атқарушы Бақытбек Халықов жыл сайын мекеменің өндірістік-қаржылық әлеуетінің артып келе жатқанын атап өтіп, саланы дамытуға еңбегі сіңген мамандарды марапаттады. «Қазақтелеком» АҚ-ның «Құрмет грамотасы» сату секторының басшысы Ботагөз Балтақожаева мен техникалық қызмет көрсету орталығының инженері Жанәбіл Кәрімбаевқа табысталды. Ал сату бөлімінің операторы Раушан Маханова, техникалық қызмет көрсету орталығының басшысы Орынбай Ешпанов, желілік ресурстарды техникалық қолдау орталығының жетекшісі Жарқынбек Нұрымжанов облыс әкімінің «Құрмет грамотасына» ие болды. Аймақ басшысының «Алғыс хатын» байланыс орталығы операторы Бақыткүл Сәрсенова, технологиялық бөлім операторы Ольга Костина, желі тартушы Қуаныш Тілепбаев, СЭиРСТ басшысы Марат Баймановтар алды.
Шара соңында мереке құрметіне арналған концерт өтті.
Шара соңында мереке құрметіне арналған концерт өтті.
