МЕМЛЕКЕТТІК ҚЫЗМЕТШІЛЕР АРАСЫНДА «ЖАЙДАРМАН» ОЙЫНЫ ӨТТІ
Н.Бекежанов атындағы драма театрында жас мемлекеттік қызметшілер арасында облыстық «Жайдарман» ойыны өтті. Тәуелсіздіктің 25 жылдығы аясында ұйымдастырылған шараға 7 аудан мен Қызылорда қаласынан, Қызылорда облысы әкімдігінен және аумақтық органдар мамандарынан жасақталған 10 команда қатысып, өзара бақ сынасты.
Командалар екі кезең бойынша сынға түсті. «Сәлемдесу» кезеңінде ойыншылар өздерін әзіл арқылы таныстырса, «Үй тапсырмасын» орындау еркін тақырыпта өтті. Яғни, командалардың бірі қызықты бейнеролик ұсынды, ал кейбірі көрермендерді қойылымдарымен қуантты.
Сайыс нәтижесі бойынша І орын Шиелі ауданынан келген «Шиелі 88» командасына бұйырды. ІІ орынды Сырдария ауданынан келген мемлекеттік қызметшілер иеленсе, ал ІІІ орынды Қызылорда облысы әкімдігінің мемлекеттік қызметшілерінен құралған «Акимат MIX» командасы мен Жалағаш ауданынан келген командалар өзара бөлісті.
Айта кетейік, мемлекеттік қызметшілер арасындағы көңілді тапқырлар сайысы Қызылорда облысы әкімдігі мен ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен өтті.
Сайыс нәтижесі бойынша І орын Шиелі ауданынан келген «Шиелі 88» командасына бұйырды. ІІ орынды Сырдария ауданынан келген мемлекеттік қызметшілер иеленсе, ал ІІІ орынды Қызылорда облысы әкімдігінің мемлекеттік қызметшілерінен құралған «Акимат MIX» командасы мен Жалағаш ауданынан келген командалар өзара бөлісті.
Айта кетейік, мемлекеттік қызметшілер арасындағы көңілді тапқырлар сайысы Қызылорда облысы әкімдігі мен ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен өтті.
