Kyzylorda-News.kz

 

    21 желтоқсанда Қазақстан аймақтарының басым бөлігінде  атмосфералық фронтальды бөліктердің өтуіне байланысты тұрақсыз ауа райы сақталады.

    Кей жерлерде қар жауады, тұман, көктайғақ, бұрқасын болып, жел күшейеді, тек оңтүстік шығыс аумақтарда ауа райы - жауын-шашынсыз, деп хабарлайды ҚазАқпарат «Қазгидромет» РМК-қа сілтеме жасап.
    Атап айтқанда, Ақмола,  Ақтөбе, Шығыс Қазақстан облыстарының кей жерлерінде бұрқасын соғып, желдің екіпін 15-20 м/с күшейеді.
    Павлодар облысында 15-20 м/с жылдамдықпен соққан желдің екпіні 25 м/с артады, күндіз кей жерлерде бұрқасын болады.
    Қарағанды облысының жекелеген жерлерінде бұрқасын, тұман болып, желдің жылдамдығы 23 м/с күшейеді.
    Қостанай облысының кей аумақтарында бұрқасын, тұман күтіледі, түнде және таңертең 15-20 м/с екпінде жел болады.
    Батыс Қазақстан облысының кей жерлерінде жаяу бұрқасын, түнде 15-20 м/с жылдамдықта жел болжанады.
    Қызылорда, Оңтүстік Қазақстан облыстарының кей жерлерінде тұман, көктайғақ болып, күндіз жел 15-20 м/с күшейеді.
    Жамбыл облысының жекелеген аумақтарында тұман, көктайғақ күтіледі.
    Алматы облысында түнде және таңертең кей жерлерді тұман басады.