Kyzylorda-News.kz

 

    Ел Тәуелсіздігінің 25 жылдық мерейлі мерекесіне орай, аудандық мәдениет үйінде салтанатты кеш өтті. Салтанатты шараға аудан әкімі Сұлтан Мақашов, Қазақстан Республикасы денсаулық сақтау және әлеуметтік даму министрлігі, инвестициялық жобалар және мемлекеттік-жекеменшік әріптестікті дамыту департаментінің директоры Аслан Кинаятов, және облыстық денсаулық сақтау басқармасының басшысы Ақмарал Әлназарова қатысты.

    Мемлекетіміздің мәртебесін өсіріп, мерейін әспеттеген ең қастерлі мерекесімен жиналған қауымды құттықтаған аудан басшысы, ауданның әлеуметтік–экономикалық дамуына елеулі үлес қосқан азаматтардың кеудесіне мерекелік медаль тағып, облыс және аудан әкімінің алғыс хатымен марапаттады.
    Мерекелік кеш соңы концерттік бағдарламаға ұласты.