ҰЛЫ ДАЛА ҰЛАНДАРЫ
Кеше Назарбаев Зияткерлік мектебі оқушылары Қорқыт Ата атындағы ҚМУ Студенттер сарайында ел тәуелсіздігінің 25 жылдығына орай «Біз – Ұлы дала балаларымыз!» атты музыкалық флешмоб ұйымдастырды.
Шараның негізгі мақсаты: қазақстандық патриотизмді қалыптастыру, ұлттық өнеріміздің өркендеуіне үлес қосып, халық мұрасы мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу.
Зияткерлік мектептің 20-ға жуық домбырашысы (оқушылар, ұстаздар және ата-аналар) Құрманғазының «Балбырауын», «Сарыарқа» және Нұрғиса Тілендиевтің «Ата толғауы» мен «Әлқисса» күйлерін орындады. Сонымен қатар мектептің вокалистері халық әні «Беу, айдай», Н.Тілендиевтің «Құстар әні», Ескендір Хасанғалиевтің «Айналдым елім» және «Нұр Астана», «Туған ел» әндерінен шашу шашты. Мектеп оқушыларынан құралған хор «Қазағымның қанаты» әнін ерекше орындап, көрермендердің ыстық ықыласына бөленді.
Зияткерлік мектептің 20-ға жуық домбырашысы (оқушылар, ұстаздар және ата-аналар) Құрманғазының «Балбырауын», «Сарыарқа» және Нұрғиса Тілендиевтің «Ата толғауы» мен «Әлқисса» күйлерін орындады. Сонымен қатар мектептің вокалистері халық әні «Беу, айдай», Н.Тілендиевтің «Құстар әні», Ескендір Хасанғалиевтің «Айналдым елім» және «Нұр Астана», «Туған ел» әндерінен шашу шашты. Мектеп оқушыларынан құралған хор «Қазағымның қанаты» әнін ерекше орындап, көрермендердің ыстық ықыласына бөленді.
