Kyzylorda-News.kz

 

    Бүгін Қазақстанның бүкіл территориясында атмосфералық фронттың өтуіне байланысты қар, жауын-шашын сақталады. Кей жерлерде тұман, көктайғақ, бұрқасын болып, жел күшейеді, деп хабарлайды ҚазАқпарат ТЖК баспасөз қызметіне сілтеме жасап.

    Ақмола облысының кей жерлерінде тұман, көктайғақ, бұрқасын күтіледі, желдің жылдамдығы 15-20 м/с-ға дейін жетеді, екпіні 23-28 м/с-ға дейін күшейеді. Павлодар облысында бұрқасын, кей жерлерде көктайғақ болып,  желдің жылдамдығы 15-20 м/с-ға дейін жетеді, екпіні 23-28 м/с.  
    Қарағанды облысының кей жерлерінде тұман, көктайғақ, бұрқасын болып,  желдің жылдамдығы 15-20 м/с-ға дейін жетеді.
    Шығыс Қазақстан облысының кей жерлерінде бұрқасын, көктайғақ болып, желдің жылдамдығы 15-20 м/с-ға дейін жетеді, екпіні 25 м/с-ға дейін күшейеді.  
    Қостанай облысында бұрқасын, көктайғақ, тұман болып, күндіз желдің жылдамдығы 15-23 м/с-ға дейін жетеді.  Батыс Қазақстан, Ақтөбе облыстарының кей жерлерінде бұрқасын болып, желдің жылдамдығы 15-20 м/с-ға дейін жетеді, Ақтөбе облысының кей жерлерінде көктайғақ болады.
    Қызылорда, Атырау, Жамбыл облыстарының кей жерлерінде тұман, көктайғақ болып, желдің жылдамдығы 15-23 м/с-ға дейін жетеді.  
    Оңтүстік Қазақстан облысының кей жерлерінде тұман болып, жел 15-20 м/с желдің жылдамдығы 15-20 м/с-ға дейін күшейеді.
    Маңғыстау облысында, түнде Алматы облысының кей жерлерінде тұман күтіледі, Алматы облысы Жалаңашкөл ауданында желдің жылдамдығы 15-20 м/с-ға дейін жетеді, күндіз екпіні 25 м/с-ға дейін күшейеді.