Kyzylorda-News.kz

 

    ҚР Тәуелсіздігінің 25 жылдығы аясында облыстық ішкі саясат басқармасының бастамасымен «Жастар ресурстық орталығы» КММ-сі ағымдағы жылдың 1 қарашасы мен 1 желтоқсан күндері аралығында «Жүрек жылуы» қайырымдылық акциясын жариялаған болатын.

    Акцияға жергілікті, департамент, басқарма, кәсіпорындар мен мекемелер, ұжымдар және жекелеген тұрғындар белсене атсалысты. Жомарттық таныта білген азаматтар азық-түлік, киім-кешек, және тұрмыстық қажеттіліктердің жинақталуына зор ықпалын тигізді. Қайырымдылық акциясына жинақталған көмектер әлеуметтік аз қамтамасыз етілген, тұрмысы төмен 25 отбасына берілді. Акцияға атсалысқан мекемелер қатарында Қызылорда медицина колледжі, №8 Жаңақорған ауданының спорт мектебі, «Абзал және К» ТС, Жалаңтөс Баһадүр атындағы облыстық спорт мектебі, Ә.Тәжібаев атындағы кітапхана, «Нұр-сәт» теннис орталығы, Облыстық тарихи өлкетану музейі бар. Барлығы 30-ға жуық мекеме қол ұшын созды.