ҚЫЗЫЛОРДА ОБЛЫСТЫҚ СОТЫНДА САЛТАНАТТЫ ЖИЫН ӨТТІ
Қызылорда облыстық сотының мәжіліс залында Қазақстан Республикасының Тұңғыш Президенті күніне орай салтанатты жиналыс өтті.
Шараға Қызылорда облыстық сотының төрағасы, облыстық соттың алқа төрағалары мен сот судьялары, аудандық және оған теңестірілген соттардың төрағалары, облыстық соттың соттар әкімшісі басшылығы қатысты.
Облыстық сот төрағасы Н.Қайырбеков қатысушыларды ел тарихындағы мерейлі мереке – Қазақстан Республикасының Тұңғыш Президент күнімен құттықтады. Төраға өз сөзінде «Мемлекеттің ерекше мәртебесі оның Көшбасшысының жеке тұлғасымен, ел дамуының-бағдарымен айқындалады. Елбасының көрегенді, салиқалы саясатының арқасында еліміздің экономикасы қарқынды дамып, дүниежүзінде қызығушылық туғызуда. Евразиялық кеңістікте Нұрсұлтан Назарбаев өзінің интеграциялық ұстанымдарымен, жаңашылдығымен осы игі үрдістердің құрметті архитекторы атағына ие болды. Елбасы Н.Ә.Назарбаевтың жан-жақты ұстанымы, тынымсыз еңбегі, елінің өркендеуі жолындағы игі істері жоғары бағаға лайық. Тұңғыш Президентіміздің басшылығымен Қазақстан дүниежүзілік зор беделге, үлкен сенімге ие болды. Ядролық қарудан өз еркімен бас тартып, бейбітшілікті басты қағида етіп, этникааралық және конфессияаралық теңдесі жоқ үлгідегі толеранттылықты қалыптастырып, ең басты байлық қоғамдағы өзара түсіністік пен халықтың бірлігі екенін көрсете білді», -деді.
Мерекелік іс-шара барысында Қызылорда облысы бойынша соттар әкімшісі басшысының орынбасары Салтанат Смағұлова мерекелік баяндама жасады. Ол өз баяндамасында ел тарихына тоқталып, Елбасының жүріп өткен жолымен сарабдал саясатын тілге тиек етті.
Шара соңында жиналысқа қатысушылар Елбасы Нұрсұлтан Назарбаев туралы деректі фильмді тамашалады.
Қызылорда облыстық сотының баспасөз қызметі
Облыстық сот төрағасы Н.Қайырбеков қатысушыларды ел тарихындағы мерейлі мереке – Қазақстан Республикасының Тұңғыш Президент күнімен құттықтады. Төраға өз сөзінде «Мемлекеттің ерекше мәртебесі оның Көшбасшысының жеке тұлғасымен, ел дамуының-бағдарымен айқындалады. Елбасының көрегенді, салиқалы саясатының арқасында еліміздің экономикасы қарқынды дамып, дүниежүзінде қызығушылық туғызуда. Евразиялық кеңістікте Нұрсұлтан Назарбаев өзінің интеграциялық ұстанымдарымен, жаңашылдығымен осы игі үрдістердің құрметті архитекторы атағына ие болды. Елбасы Н.Ә.Назарбаевтың жан-жақты ұстанымы, тынымсыз еңбегі, елінің өркендеуі жолындағы игі істері жоғары бағаға лайық. Тұңғыш Президентіміздің басшылығымен Қазақстан дүниежүзілік зор беделге, үлкен сенімге ие болды. Ядролық қарудан өз еркімен бас тартып, бейбітшілікті басты қағида етіп, этникааралық және конфессияаралық теңдесі жоқ үлгідегі толеранттылықты қалыптастырып, ең басты байлық қоғамдағы өзара түсіністік пен халықтың бірлігі екенін көрсете білді», -деді.
Мерекелік іс-шара барысында Қызылорда облысы бойынша соттар әкімшісі басшысының орынбасары Салтанат Смағұлова мерекелік баяндама жасады. Ол өз баяндамасында ел тарихына тоқталып, Елбасының жүріп өткен жолымен сарабдал саясатын тілге тиек етті.
Шара соңында жиналысқа қатысушылар Елбасы Нұрсұлтан Назарбаев туралы деректі фильмді тамашалады.
Қызылорда облыстық сотының баспасөз қызметі
