ЖАНҚОЖА НҰРМҰХАММЕДҰЛЫНЫҢ 240 ЖЫЛДЫҒЫ КЕҢ КӨЛЕМДЕ АТАЛЫП ӨТПЕК
Бұл туралы батырдың 240 жылдығын атап өту жөніндегі ұйымдастыру комиссиясы төрағасының орынбасары Т.Бөріқұлов «Сыр медиа» ЖШС жанындағы облыстық коммуникация орталығында өткен брифингте мәлімдеді.
«Жанқожа батыр» мерейтойын республикалық көлемде насихаттау мақсатында ақпараттық насихаттық топтар құрылып, олар Астана, Алматы, Тараз, Шымкент, Ақтөбе қалаларында арнайы болып тиісті жұмыстар жүргізіп қайтты.
Мерейтой логатипіне Елге белгілі қылқалам шебері Қуантай Ршымбетовтің бұдан 22 жыл бұрын салған батырдың бейнесі алынды.
Батыр бабамыздың 240 жылдық мерейтойына арналған іс-шара 14 қазан күні Ә.Тәжібаев атындағы облыстық кітапханасында Жанқожа Нұрмұхаммедұлы туралы жаңа кітаптың тұсаукесер рәсімінен басталады. Шараның келесі күні Қызылорда қаласындағы вокзал алаңында Батырға орнатылған ескерткіш ашылмақ.
Одан соң Қорқыт ата атындағы ҚМУ-нің Студенттер сарайында ғылыми-тәжірибелік конференция өткізіліп, меймандар Қазалы ауданына жол жүреді. Яғни баба мерейтойына арналған іс-шара туған жерінде жалғасын таппақ.
Қазалы ауданы Әйтеке би кентінде «Жанқожа батыр жас ақындар жүрегінде» атты жас ақындар мүшайрасы, жыраулар фестивалі, республикалық ақындар айтысы ұйымдастырылып, «Жанқожа батыр» спектаклі сахналанбақ. Сонымен қатар, орталық алаңға 110 киіз үй тігіліп, қазақтың ұлттық ойындарынан жарыс өткізу жоспарлануда. Ұйымдастырылып жатқан жарыстардың жүлдегерлеріне шетелдік автокөліктер, ақшалай сыйлықтар тағайындалып отыр. Батырдың мерейтойы аясында әлеуметтік қамқорлықты қажет ететін отбасыларға көмек қолын созып, қайырымдылық шараларын өткізу де кең көлемде қолға алынған.
Жанқожа Нұрмұхаммедұлының 240 жылдығын 3 күн бойына атап өту алты алашты шақырып, аста-төк ас берумен, садақа таратумен, ат жарыстың қызығына кенеліп той жасаумен емес жас ұрпаққа үлгі боларлық салтанатымен есте қалуды мақсат етеді.
Фариза ОМАРОВА
«Жанқожа батыр» мерейтойын республикалық көлемде насихаттау мақсатында ақпараттық насихаттық топтар құрылып, олар Астана, Алматы, Тараз, Шымкент, Ақтөбе қалаларында арнайы болып тиісті жұмыстар жүргізіп қайтты.
Мерейтой логатипіне Елге белгілі қылқалам шебері Қуантай Ршымбетовтің бұдан 22 жыл бұрын салған батырдың бейнесі алынды.
Батыр бабамыздың 240 жылдық мерейтойына арналған іс-шара 14 қазан күні Ә.Тәжібаев атындағы облыстық кітапханасында Жанқожа Нұрмұхаммедұлы туралы жаңа кітаптың тұсаукесер рәсімінен басталады. Шараның келесі күні Қызылорда қаласындағы вокзал алаңында Батырға орнатылған ескерткіш ашылмақ.
Одан соң Қорқыт ата атындағы ҚМУ-нің Студенттер сарайында ғылыми-тәжірибелік конференция өткізіліп, меймандар Қазалы ауданына жол жүреді. Яғни баба мерейтойына арналған іс-шара туған жерінде жалғасын таппақ.
Қазалы ауданы Әйтеке би кентінде «Жанқожа батыр жас ақындар жүрегінде» атты жас ақындар мүшайрасы, жыраулар фестивалі, республикалық ақындар айтысы ұйымдастырылып, «Жанқожа батыр» спектаклі сахналанбақ. Сонымен қатар, орталық алаңға 110 киіз үй тігіліп, қазақтың ұлттық ойындарынан жарыс өткізу жоспарлануда. Ұйымдастырылып жатқан жарыстардың жүлдегерлеріне шетелдік автокөліктер, ақшалай сыйлықтар тағайындалып отыр. Батырдың мерейтойы аясында әлеуметтік қамқорлықты қажет ететін отбасыларға көмек қолын созып, қайырымдылық шараларын өткізу де кең көлемде қолға алынған.
Жанқожа Нұрмұхаммедұлының 240 жылдығын 3 күн бойына атап өту алты алашты шақырып, аста-төк ас берумен, садақа таратумен, ат жарыстың қызығына кенеліп той жасаумен емес жас ұрпаққа үлгі боларлық салтанатымен есте қалуды мақсат етеді.
Фариза ОМАРОВА
