ҚЫЗЫЛОРДАДА БАЛАЛАР АУРУХАНАСЫНЫҢ АШЫЛУЫ ӨТТІ
26 қараша күні Қызылордада 200 орынға арналған көпсалалы балалар ауруханасының ашылуы өтті. Медициналық мекеменің ашылу салтанатына Қызылорда облысының әкімі Қырымбек Көшербаев және академик, қазақстандық педиатрияның негізін салушы Камал Ормантаев қатысты.
Қырымбек Көшербаев 2013 жылға дейін қызылордалықтар сапалы медициналық көмек алу үшін Алматы немесе Астана қалаларына баруға мәжбүр болып келгенін атап өтті. Облыс әкімі соңғы төрт жылда аймақта медицина саласындағы ахуал айтарлықтай жақсарғандығын және тұрғындар облыстық медициналық мекемелерге көптеп жүгіне бастағанын жеткізді.
- 2014 жылы қызылордалық дәрігерлер республикада төртінші болып бүйрек ауыстыру отасын жасады. Біздің медициналық қызметкерлер алыс-жақын 28 шет мемлекетпен байланыс орнатып, 6000-ға жуық маман халықаралық бағдарламалар бойынша қайта даярлау курстарынан өтті. Соңғы үш жылда денсаулық сақтау саласының қажеттіліктеріне бөлінген қаражат көлемі 9 млрд. теңгеге өсіп, 2016 жылы денсаулық сақтау саласының бюджеті 32 млрд. теңгені құрады. Медицина саласын қаржыландыру бойынша республикада алда келеміз,- деді облыс әкімі.
Сонымен қатар академик Камал Ормантаев пен денсаулық сақтау саласының ардагері Ернияз Омаров қызылордалықтарды жаңа заман талаптарына сай салынған аурухананың ашылуымен құттықтады.
Балалар ауруханасының құрылысы 2014 жылдың тамыз айында басталған. Жаңа ауруханада 11 бөлімше, 5 ота жасау блогы, 12 орындық жансақтау бөлімшесі, анестезия және консультативтік-диагностикалық бөлімше жұмыс істейді. Аурухана заманауи озық медициналық құралдармен жабдықталған.
- 2014 жылы қызылордалық дәрігерлер республикада төртінші болып бүйрек ауыстыру отасын жасады. Біздің медициналық қызметкерлер алыс-жақын 28 шет мемлекетпен байланыс орнатып, 6000-ға жуық маман халықаралық бағдарламалар бойынша қайта даярлау курстарынан өтті. Соңғы үш жылда денсаулық сақтау саласының қажеттіліктеріне бөлінген қаражат көлемі 9 млрд. теңгеге өсіп, 2016 жылы денсаулық сақтау саласының бюджеті 32 млрд. теңгені құрады. Медицина саласын қаржыландыру бойынша республикада алда келеміз,- деді облыс әкімі.
Сонымен қатар академик Камал Ормантаев пен денсаулық сақтау саласының ардагері Ернияз Омаров қызылордалықтарды жаңа заман талаптарына сай салынған аурухананың ашылуымен құттықтады.
Балалар ауруханасының құрылысы 2014 жылдың тамыз айында басталған. Жаңа ауруханада 11 бөлімше, 5 ота жасау блогы, 12 орындық жансақтау бөлімшесі, анестезия және консультативтік-диагностикалық бөлімше жұмыс істейді. Аурухана заманауи озық медициналық құралдармен жабдықталған.
