ҚАРМАҚШЫДА КТК САЙЫСЫ ӨТТІ
«Жастар ресурстық орталығы» КММ Қармақшы аудандық бөлімінің қолдауымен аудандық ішкі саясат бөлімінің мемлекеттік тапсырысы шеңберінде «Қорқыт елі - Қармақшы» жастар қоғамдық бірлестігінің ұйымдастырумен Тәуелсіздіктің 25 жылдығына орай «Тұғыры биік -Тәуелсіз елдің жастары» атты КТК (КВН) сайысы болып өтті.
Шараға №121 мектеп «Әбзәли ұландары», №26 мектеп «Жеті жұлдыз», Агротехникалық колледж «Агро жастары», Аудандық оқушылар үйі «Қармақшы жастары», Төретам кенті «Төретам құрамасы», Ақай ауылдық округінен «Ақай құрамасы», Ақжар ауылдық округі «Ақжар сити», Алдашбай Ахун ауылдық округінен «Майлыөзек құрамасы» деп аталатын командалар қатысып, бақ сынасты. Қызықты әрі тартысты өткен КТК сайысында әділ қазылардың шешімімен аудан әкімінің ауыспалы кубогін оқушылар үйінің «Қармақшы жастары», I орын «Жеті жұлдыз», II орын «Ақжар сити» командасы мен «Агро жастары», III орын «Төретам құрамасы» иеленіп, қалған қатысушы командаларға ынталандыру сыйлықтары табысталса, қатысушы командалар арасынан «Үздік ойыншы» номинациясымен Ақжар ауылдық округінен келген белсенді жас Д.Құдабаев марапатталды.
