Kyzylorda-News.kz

 

    Қызылорда облысында 19-20 қазан аралығында Ел тәуелсіздігінің 25 жылдығына орай республикаға белгілі блогерлердің қатысуымен «Алашқа Ана – Сыр Елі» атты блог-тур өтті. Оған Астана мен Алматы қалаларынан келген белгілі сайт журналистері мен әлеуметтік желілердің белсенді қолданушылары қатысты. Шараны облыстық ішкі саясат басқармасының қолдауымен «Медиа жұлдыз» қоғамдық қоры өңірдегі тарихи орындар мен заманауи нысандар,  кәсіпкерлікті дамытуға байланысты жүзеге асқан жобалар мен туризм аймағына айналған аудандардың жұмысымен танысу мақсатында ұйымдастырған.

    Блог-турдың бірінші күні қатысушылар 2 топқа бөлініп, Жаңақорған, Шиелі, Қармақшы, Қазалы және Арал аудандарын аралады. Алдымен блог-турға қатысушылар Сығанақ ашық аспан астындағы мұражай қаласы, «Шалқия Цинк» серіктестігі, «Жаңақорған» шипажайы, Қорқыт ата кесенесі, Байқоңыр ғарыш алаңдарымен танысып, Н.Илясов атындағы ауылды аралап көрді.
    Келесі күні елордалық қонақтар мен қатысушылар облыс орталығын аралап, «Абзал и К» толық серіктестігінің жұмысымен танысты. Одан әрі шыны зауыты мен «Атамекен» балалар ауылына барды.
    Кешке блог-турдың пленарлық отырысында шара барысындағы жұмыстар талқыланып, қорытындыланбақ.
    Фариза ОМАРОВА