ҚЫЗЫЛОРДАДА ДЗЮДОДАН ХАЛЫҚАРАЛЫҚ ТУРНИР БАСТАЛАДЫ
Үстіміздегі жылдың 22-23 қазан күндері Қызылорда қаласында Қармақшы ауданының құрметті азаматы Болатбек Сүлейменов атындағы дзюдодан 1997-1998 жылдары туылған жастар арасында халықаралық турнир өтеді.
Биыл 16-шы мәрте ұйымдастырылатын дүбірлі бәсекеге еліміздің он бір облысынан және Өзбекстан, Қырғызстан елдерінен 250-дей татами шеберлері 16 салмақ дәрежесінде жүлделерді сарапқа салады. Жарыс ұлдар арасында 8 салмақта: 55, 60, 66, 78, 81, 90, 100, +100 келі, қыздар арасында 8 салмақта: 44, 48, 52, 57, 63, 70, 78, +78 келіде өтеді.
22 қазан күні сағат 12.00-де «Евразия» спорт кешенінде турнирдің салтанатты ашылуы өтеді. Ал жарыс 10.00-де басталады.
