РЕКОРДТЫҚ ӨНІМ ЖИНАДЫ
Елімізде астық жинау науқаны аяқталды. 23,1 млн тонна астық жиналды. Бұл туралы Қазақстан Республикасы Ауыл шаруашылығының вице-министрі Қайрат Айтуғанов мәлімдеді, деп хабарлайды BNews.kz.
«Республикада астық дақылын жинау науқаны аяқталды. 23,1 млн тонна астық жиналды. Былтырғы өніммен салыстырғанда 1,4 есе көп. Бұл – тәуелсіздік жылдарындағы рекордтық көрсеткіш», – деді Қ. Айтуғанов. Вице-министрлің айтуынша, орташа есеппен әр гектардан 15,2 центрнер өнім жиналды. «Биыл күніге 357 мың тонна дақыл жиналды. Былтыр бұл көрсеткіш 284 мың га тең болған», – деп түйіндеді ол.
