Kyzylorda-News.kz

 

    Қамыстыбас балық питомнигі 8,4 млн. дана тұқы балықтың биылғы шабақтары мен балықтардың өсімдік қоректі түрлерін (дөңмаңдай, ақ амур) өсіріп, ү.ж.15-27 қыркүйек аралығындағы кезеңде Кіші Арал теңізінің Шағалалы шығанағы мен Қамыстыбас өзеніне жіберді. Бұл туралы ҚР ауыл шаруашылығы министрлігінің ресми сайтында жарияланған.

    Жіберу орман шаруашылығы және жануарлар дүниесі инспекциясының қызметкерлерінің, әкімдіктің, ғылыми ұйымдар өкілдерінің қатысуымен комиссиялы түрде жүзеге асырылды.
    Ағымдағы жылы Қамыстыбас балық питомнигі 15,22 млн. дана биылғы шабақтардың және екі жылдық тұқы балық пен өсімдік қоректі балық түрлерін табиғи мекен ету ортасына жіберуді жоспарлады. Табиғи мекен ету ортасына балық шабақтарын жіберу жөніндегі жұмыстар жалғасуда.