Kyzylorda-News.kz

 

    «Сыр медиа» ЖШС жанындағы облыстық коммуникация орталығында Қызылорда облыстық тұтынушылардың құқықтарын қорғау департамент басшысының орынбасары Ұ.Аханаеваның қатысуымен «Тұмау, жедел респираторлы вирусты инфекциясы бойынша эпиджағдай және оның алдын алу жолдары» тақырыбында баспасөз конференциясы болып өтті.
    Халықаралық құтырмамен күрес күні қарсаңында облыстық ветеринариялық бақылау басқармасының бөлім басшысы Марат Ойнаров баспасөз конференциясы барысында Қызылорда облысы құтырма ауруының табиғи ошағында орналасқандығы туралы айтып өтті. Маманның айтуынша, соңғы жылдары облыста құтырма ауруынан эпидемиологиялық жағдай қолайсыз болып қалыптасуда.
    «Соңғы 2 жылда құтырма ауруы тіркелген жоқ. Бірақ өңірімізде жануарлардан жарақат алған адамдар саны жоғары деңгейде тұрақтануда. Ағымдағы жылдың осы күніне дейін 2618 жануарлардан жарақат алған жағдай тіркелді, оның ішінде 32,5 пайызы белгісіз ит-мысықтардан жарақат алғандар құрауда, - деді ветеринар.
    Сонан соң Ұ.Аханаева эпидмаусымда тұмау және басқа да тұмау емес вирустардың айналымының белсенділігіне болжамын, облыс бойынша тұмауға қарсы атқарылатын алдын ала егу шаралары туралы ақпарат берді.
    Шынар БЕКБАН