Kyzylorda-News.kz

 

    Қызылорда облыстық телекоммуникациялар дерекциясының «Аяулы алақан» қозғалысының мүшелері Мырзабековтар отбасына көмек қолын созды. Бұған дейін белгілі болғандай үйсіз жүрген Жорабек Мырзабековтың отбасы туралы естіген қызылордалықтар оған үй салып беруге шешім қабылдады.
    Аталған қайырымдылық шарадан шет қалмай  ОТД жас мамандары да демалыс күндері үй құрылысына көмектесті. «Аяулы алақан» еріктілер қозғалысының мүшелері  дирекция қызметкерлерінен жиналған азық-түлік, киім-кешектерін отбасы мүшелеріне тапсырды.
    «Мен үйде өзім ғана жұмыс жасап, отбасымды асырап келемін. Ата-анам қарт адамдар, інім мен әпкем де ауруханада жатыр. Осы жағдайымда көмек қолын созған Қазақтелекомның қызметкерлеріне шексіз алғысымды білдіремін», - дейді Ж.Мырзабеков.
    «Аяулы алақан» еріктілер қозғалысы бірнеше бағытта жұмыс жасайды. Жоғары сынып оқушыларын әлеуметтік бейімдеу шараларына қатысу, балалар үйі мен қарттар үйіне көмектесіп, мәдени-көпшілік, спорттық шараларға демеушілік жасау еріктілер қозғалысының басты міндеттеріне жатады.
    «Қазақтелеком» АҚ қоғаммен байланыс қызметі