Kyzylorda-News.kz

    Мемлекет басшысы Нұрсұлтан Назарбаев қазақстандықтарды Құрбан айт мерекесімен құттықтады, деп хабарлайды Ақорданың баспасөз қызметі. ҚазАқпарат құтттықтау мәтінін таратады.
 
                                                          ***
    ҚР Президенті Нұрсұлтан Назарбаевтың Құрбан айт мейрамына орай Қазақстан халқына арнаған құттықтауы
     Қымбатты отандастар!
    Сіздерді Құрбан айт мерекесімен құттықтаймын!
    Ғасырлар бойы Құрбан айт күллі мұсылман қауымының мәңгілік адамзаттық құндылықтарды бағалауға, бірлікке, қайырымдылыққа және қамқорлық танытуға шақыратын  ең басты да қасиетті мейрамдарының бірі болып келеді.
    Біздің елімізде Құрбан айтты тойлау қоғамда мәдени және рухани құндылықтарды қастерлеуде, бейбітшілік пен  келісімді нығайтуда  маңызды орын алады.
    Құрбан айт  халықтың өзге де діни мейрамдары тәрізді қоғамды топтастырудың берік негізін қалауда қазақстандықтардың рухани өміріндегі маңызды оқиғаға айналды.
    Қасиетті Құрбан айт рухани тазалықты, ізгілікті, адалдық пен терең сенімді ұлықтайтын, жақындарына қайырымдылық пен қамқорлық танытуға шақыратын мереке.
    Бұл күндері мүгедектерге, жетімдерге, қараусыз қалған қарттарға  көрсетілген көмек олардың сенімін ұштап, жүректерін қуанышқа толтырады және алғыс сезіміне бөлейді.
    Алла тағала барлық дұға-тілектеріңізді қабыл етсін!
    Елімізде әрқашанда бейбітшілік, бірлік пен келісім өркен жая берсін!
     Барша қазақстандықтарға зор денсаулық, береке-бірлік тілеймін!