Kyzylorda-News.kz

 

    Синоптиктердің болжауынша, бүгін еліміздің басым аумағында күн ашық болады, тек оңтүстік-шығыста, солтүстік-шығыста және шығыста кей жерлерде күн күркіреп, өткінші жаңбыр жауады. Орталықта, солтүстік-батыста және солтүстікте топырақ бетінде үсік жүреді. Солтүстікте және орталықтың кей жерлерінде тұман түседі. Кей жерлерде жел күшейіп, оңтүстікте шаңды дауыл көтеріледі, деп хабарлайды Вnews.kz.

    Түнде Ақмола облысында, түнде және таңертең Солтүстік Қазақстан облысының кей жерлерінде тұман түседі, жел күшейеді –15-20 м/с.
    Қарағанды облысында түнде және таңертең кей жерлерде тұман түседі.
    Шығыс Қазақстан облысында, түнде  Павлодар облысының кей жерлерінде жел күшейеді – 15-20 м/с, найзағай ойнайды.
    Алматы облысының таулы аудандарында күн күркіреп, күндіз жел күшейеді – 15-20 м/с.
    Қызылорда, Жамбыл облыстарында, таңертең және күндіз Оңтүстік Қазақстан облысында 15-20 м/с жылдамдықпен жел соғып, шаңды дауыл болады.
    Күндіз Маңғыстау, Атырау, Батыс Қазақстан, Қостанай облыстарында жел 15-20 м/с-қа дейін күшейеді.
    Күндіз Алматы облысында аптап ыстық болады.
    Батыс Қазақстан, Атырау, Ақтөбе, Қызылорда, Оңтүстік Қазақстан, Алматы облыстарында, Қарағанды облысының басым бөлігінде, Шығыс Қазақстан, Ақмола, Қостанай облыстарының кей жерлерінде өте жоғары өрт қаупі сақталады.