Kyzylorda-News.kz

 

    25-26 шілде күндері Қызылорда облысы бойынша мемлекеттік қызмет істері департаментінің қызметкерлері Арал ауданының Аралқұм, Қамыстыбас, Ақирек ауылдық округтерінде, Қазалы ауданының Басықара, Примов, Ақтан батыр аулдық округтері мен Қазалы қаласында көшпелі семинарлар өткізді.
    Кездесулер барысында департамент өкілдері мемлекеттік қызметшілер Әдеп кодексінің жаңалықтарына толығырақ тоқталып, «Қазақстан Республикасының Мемлекеттік қызметі туралы» және «Сыбайлас жемқорлыққа қарсы іс-қимыл туралы» Заңдарының басты бағыттарын түсіндірді.
    Мемлекеттік қызмет басқармасының басшысы Ғалымжан Ілкібаев мемлекеттік қызметшілердің Әдеп жөніндегі жаңа кодексі басты компонент ретінде қызмет атқарады, сыбайлас жемқорлыққа қарсы мүлдем төзбеушілік пен  мемлекеттік басқарудың сапалы модельдерін құру жолын ашатын мемлекеттік қызмет туралы заңнамаға елеулі өзгерістер мен толықтырулар енгізілгенін атап өтті.
    Мемлекеттік қызмет саласындағы бақылау басқармасының бас маманы Әлия Хожбанова мемлекеттік қызметте  әдеп және сыбайлас жемқорлықтың алдын алу ережелеріне сәйкес сенімді қамтамасыз ету үшін  әдеп уәкілдерінің негізгі функциялары туралы әңгімеледі.