Kyzylorda-News.kz

 

    11 шілдеде Қазақстанның аумағында атмосфералық фронтальды бөліктердің өтуіне байланысты республикамыздың солтүстігінде, солтүстік-батысында, оңтүстік-батысында және шығысында кей жерлерінде жаңбыр жауады, найзағай болады және екпінді жел күтіледі, шығысында жекелеген аудандарында бұршақ болуы ықтимал. Бұл туралы Қазгидромет хабарлайды.
    Еліміздің оңтүстігінде және оңтүстік-шығысында жауын-шашынсыз ауа райы күтіледі. Күндіз Ақмола облысының кей жерлерінде найзағай күтіледі. Маңғыстау облысының кей жерлерінде найзағай болады, күндіз жел 15-20 м/с-ге күшейеді. Қостанай облысында, күндіз Атырау, Солтүстік Қазақстан облыстарының кей жерлерінде найзағай күтіледі, найзағай кезінде жел 15-20 м/с-ге күшейеді. Шығыс Қазақстан облысының кей жерлерінде найзағай күтіледі, күндіз жел 15-20 м/с-ге күшейеді, бұршақ болуы ықтимал.
    Алматы, Жамбыл, Оңтүстік Қазақстан, Қызылорда облыстарында, Ақмола, Ақтөбе, Қостанай, Қарағанды облыстарының кей жерлерінде қатты ыстық күтіледі.
    Алматы, Жамбыл, Атырау, Қызылорда, Оңтүстік Қазақстан, Қарағанды облыстарының кей жерлерінде өте жоғары өрт қауіпі сақталады.