Kyzylorda-News.kz

 

    Қызылорда облысының жұмыспен қамтуды үйлестіру және әлеуметтік бағдарламалар басқармасының «Мүгедектерге арналған оңалту орталығы» КММ-де өрт-тактикалық жаттығу өткізілді.
    Қызылорда облысы ТЖД Өрт сөндіру және авариялық-құтқару жұмыстары қызметі мемлекеттік мекемесінің бастығы азаматтық қорғау полковнигі Ә.Көкеев оқу-жаттығуды басқарды.
    Болжам бойынша шартты өрт мәжіліс залында туындады.  «Өрт» сахнада және залдың төріне қарай таралды, жоғары температурада қою түтін пайда болды. Жану өнімдері ғимарат дәлізіне қарай таралды.
    Келген өрт сөндірушілердің негізгі мақсаты ғимаратта қалған адамдарды табу мен құтқару және шартты өртті сөндіру болды. Өрт бөлімшелері ғимаратта болуы мүмкін «зардап шеккендерді» анықтау масқатында барлау жұмыстарын жүргізді. Құбырлы тығыздағышы желісін шартты өрт ошағына төседі және өртті сөндіру үшін  өрт сөндіру штабы құрылып,  өрт-құтқару күштерімен жұмыс жүргізілді. Жедел және сауатты басшылықтың және гарнизонның іс-қимылы арқасында қысқа мерзімде шартты өрт оқшауланды және жойылды. Өрт сөндірушілер шартты өрттің таралуына жол бермеді.
    Орталық әкімшілікпен өзара іс-қимыл мәселелері туралы жұмыс жасалды. Оку-жаттығу барысында қойылған мақсат пен міндет орындалды.
    Қызылорда облысы ТЖД өрт сөндіру және
    авариялық-құтқару жұмыстары қызметі