Kyzylorda-News.kz

 

    Свердлов облысы Лесной қаласындағы 3275 ішкі әскери бөлімінің оқу-жаттығулары барысында  кіші сержант Теленин РГД-5  гранатасын қолынан  түсiрiп алады.  Бөлімнің командирі полковник С.Сұлтанғабиев жанынан табылып, ойланбастан гранатаны өз денесімен жауып үлгереді. Жарылыстан командирден басқа жауынгерлердің ешқайсысына зақым келмеген.
    Ал, полковник Сұлтанғабиев тез арада жан сақтау бөліміне жеткізілді. Орал аймақтық әскери қолбасшысының бұйрығымен  науқасты тікұшақпен Ресейдiң МВД iшкi әскерлерінің 5-ші ауруханасына жеткізді.  Екатеринбург дәрiгерлер құрамының  жарылстан зардап шеккен науқастарға операция жасауда мол тәжірибелері бар. Операциядан кейінгі жеткен хабарға сүйенсек қаһарманның өміріне еш қауіп-қатер жоқ.
    С.Сұлтанғабиевтің командирлік лауазымына жақында ғана тағайындалғаны белгілі болды. Бұған дейін ол Фрунзе атындағы жалпы әскери академиясын бітірген, Солтүстік Кавказдағы Қорғаныс министрлігінде әскери борышын өтеген. Сонымен қатар ол, Челябинскте патрулдiк – күзет қызметінің  штаб  бастығы болып, Екатеринбургтегі 5425 әскери бөлімінде милиция батальонының командирі қызметтерін атқарған. Полковниктің әйелі өзімен бірге қызмет етеді. Олардың 15 жасар ұлы бар.
    Фариза ОМАРОВА