УАҚЫТПЕН ҮНДЕСКЕН, ҚОҒАММЕН ТІЛДЕСКЕН

    Кеше А.Тоқмағанбетов атындағы мәдениет үйінде Байланыс және ақпарат қызметкерлері күні мерекесіне орай «Қанатты қалам-2016» форумы болып өтті. Оған облыстағы барлық БАҚ өкілдері қатысты. Төртінші билік өкілдерін төл мерекесімен облыстық мәслихат хатшысы Наурызбай Байқадамов құттықтап, осы саланың үздіктерін марапаттады.
   – Жыл сайын мамыражай маусымда болатын бұл кездесу – біз үшін үлкен қуаныш. Өйт¬кені, бұл – жыл бойы өңірдің тыныс-тіршілігін көпшілікке жет¬кізіп, маңызды қоғамдық міндетті арқалаған сіздерге рахмет айтып, алғыс білдіретін ерекше күн. Ендеше кәсіби мерекелеріңіз құтты болсын! Алаштың анасы атанған Сыр өңірі – ұлтжанды, мемлекетшіл, халықшыл газеттердің алтын ұстаханасы. Осы өңірдің жылдар бойы қалыптасқан шығармашылық мектебінен мыңдаған журналистер түлеп ұшты. Бүгінде олардың әрісі шетелде, Алматы мен Астанада, берісі өз өлкемізде абыройлы қызмет атқарып жүр. Қазір облыстың медиа кеңістігінде 80-нен астам бұқаралық ақпарат құралдары жұмыс жасаса, бұл салада екі мыңнан аса адам еселі еңбек етіп келеді. Соңғы жылдары аймақта ақпарат құралдарын мемлекеттік тапсырыс беру арқылы қолдау мен ынталандыру шаралары кеңеюде. 2010 жылы ақпарат құралдарымен жұмыс жасауға облыстық бюджеттен 155 миллион теңге бөлінсе, биылғы жылы осы мақсатқа 609 миллион теңге көлемінде қаржы қаралып, қаржы көзі 4 есеге дейін өсіп отыр. Сонымен қатар, осыдан үш жыл бұрын ақпараттық жұмыстың сапасы мен тиімділігін арттыру мақсатында мемлекеттік облыстық, қалалық, аудандық бұқаралық ақпарат құралдары бір орталыққа біріктіріліп, арнайы медиахолдинг құрылған болатын. Қабылданған шешімнің дұрыстығын уақыттың өзі көрсетіп отыр. Бүгін білікті басшы Аманжол Оңғарбаев бастаған «Сыр медиа» ұжымына Қазақстан Республикасы Президентінің Алғысы табыс етілуде. Бұл – Сыр журналистикасы үшін үлкен қуаныш. Сондай-ақ, биыл облыстық «Қазақстан-Қызылорда» телеарнасының құрылғанына 25 жыл толды. Тағы бір айта кетерлігі, мемлекеттік органдар қызметінің ашықтығы мен жариялылығын қамтамасыз ету мақсатында ҚР Президенті жанындағы Орталық коммуникациялар қызметінің облыстық филиалы жұмысын бастады. Мереке қарсаңында баршаңызға шығармашылық табыс тілеймін, – деді мәслихат хатшысы.
   Дәстүрлі шара барысында облыстық мәслихат хатшысы Н.Байқадамов пен "Нұр Отан” партиясы облыстық филиалы төрағасының бірінші орынбасары Ибадулла Құттықожаев ақпарат айдынында озық шыққан қалам иелеріне облыс әкімінің Құрмет грамотасы мен Алғыс хаттарын және номинацияларды табыс етті. Мерекеде біздің «Сыр бойы» газеті журналистерінің де мерейі үстем болды. Газеттің бөлім меңгерушісі Гүлжазира Жалғасова «Үздік очерк» номинациясымен марапатталса, жас тілші Сара Адайбаева талантты журналист Сахитжан Бермағанбетов атындағы дәстүрлі байқау жеңімпаздарының бірі атанды. Сонымен қатар, "Қазақстан-Қызылорда” телеарнасының директоры Жағыпар Қарабала бір топ қаламгерлерді ҚР Журналистер одағының Құрмет грамотасымен, дипломдарымен марапаттады.
   Мерекелік кеш әсерлі көңіл-күй сыйлаған концерттік бағдарламаға ұласты.
   Дәурен ОМАРОВ

***

«Қанатты қалам-2016» облыстық журналистер форумында

марапатталғандар тізімі

№	Аты-жөні	Қызметі
Қазақстан Республикасы Ақпарат және коммуникациялар министрлігінің «Ақпарат саласының үздігі» төс белгісімен марапатталғандар
1.	ШАЛҒЫНБАЕВА Айткүл Жетібаевна	«Қазақстан» Республикалық Телерадиокомпаниясы» АҚ Қызылорда облыстық филиалының редакторы, жүргізуші
2.	Кенжалы Ерімбет	Қалалық «Ақмешіт апталығы» газетінің бас редакторының орынбасары
Облыс әкімінің «Құрмет Грамотасымен» марапатталғандар
3.	БАЙТІЛЕС Ержан Айтөреұлы	Республикалық «Егемен Қазақстан» газетінің меншікті тілшісі
4.	ӘБІЛ Еркін	Республикалық «Президент және Халық» газетінің меншікті тілшісі
5.	ЖІКІБАЕВ Елібай Зұлхарнайұлы	«Қызылорда ньюс» интернет газетінің бас редакторы
6.	СКРОБОТОВА Ольга Николаевна	«Кызылорда таймс» газетінің журналисті
7.	ЕРЕЖЕЕВ Ғалымжан Жұманазарұлы	«Қазақстан» Республикалық Телерадиокомпаниясы» АҚ Қызылорда облыстық филиалының редакторы
8.	БҮРКІТБАЕВА Гүлнұр Бейбітбекқызы	«Қызылорда қоғамдық телерадиокомпаниясы» ЖШС редакторы
9.	ШҰҒЛАНОВА Жанар Мырзаханқызы	«Жарасымды жанұя» журналының бас редакторы
Облыс әкімінің «Алғыс хатымен» марапатталғандар
10.	СУХАНБЕРЛИЕВ Амангелді Нұғманұлы	«Нұр Жан» журналының бас редакторы
11.	БҮРКІТБАЙҰЛЫ Бейбітбек	«Қазақстан Заман» газетінің меншікті тілшісі
12.	ТҮМЕНБАЕВ Өмірбай Әбсәдіқұлы	«Ақмешіт ақшамы» газетінің фототілшісі
13.	ЖАКИБАЕВА Валентина Оразкановна	«Час Пик» газетінің журналисті
14.	ЖАҚАНОВ Әділбек Серікұлы	«Қазақстан» ұлттық телеарнасының меншікті тілшісі
15.	ДІНИСЛАМОВ Ғалым Шәмшіұлы	«Принт» баспаханасының директоры
16.	ӘЛІБЕКОВ Жалғас Балғабайұлы	«Қазақстан» Республикалық Телерадиокомпаниясы» АҚ Қызылорда облыстық филиалының жетекші дизайнері
17.	«KNA AlashInform» ақпараттық агенттігі ұжымы	Директоры Ғабит Тұяқбаев Әнешұлы
18.	ЕРМАҒАНБЕТОВА Зухра Нұрғалиқызы	Қорқыт Ата атындағы Қызылорда мемлекеттік университетінің оқытушысы
19.	САЙМАСАЕВ Оңғар Әлімұлы	«Азаттық радиосының» меншікті тілшісі
20.	БАТЫРШАЕВ Нұржан Оразбекұлы	«Қазақстан» Республикалық Телерадиокомпаниясы» АҚ Қызылорда облыстық филиалының бейнеинженері
21.	ТҰРАШОВ Нұрымжан Серікұлы	«Қызылорда қоғамдық телерадиокомпаниясы» ЖШС бейне монтажері
22.	МЫРЗАШЕВА Дана Бақтиярқызы	«Халық» газетінің техникалық редакторы
23.	РАХМЕТОВА Мейрамкүл Мырзабекова	«Ақмешіт апталығы» газетінің дизайнері
24.	ДҮЙСЕНБАЙҚЫЗЫ Жансая	«Ел тілегі» газетінің жауапты хатшысы
25.	БЕКТІБАЙ Бақыт Бектібайқызы	«Тіл сақшысы» газетінің журналисті
«Қанатты қалам-2016» облыстық журналистер форумының номинация иегерлері
	Номинация атауы	Үміткер
26.	«Ғибратты ғұмыр»	Крючкова Галина Долдашевна – «Кызылорда таймс» газетінің директоры
27.	«Үздік насихатшы»	Байназар Миуа Қожасқызы– республикалық «Айқын» газетінің меншікті тілшісі
28.	«Кәсіпкер келбеті»	«Кәсіпкер және мәдениет» журналы мен «Кәсіпкер келбеті» газетінің директоры Таңрықбай Жүзбай Ибрагимұлы
29.	«Жанашыр тілші»	Сақтапова Шарипа Мұхтарқызы– республикалық «Астана» телеарнасының меншікті тілшісі
30.	«Жедел ақпарат таратушы»	Әуезов Елубай Жұманұлы– «ҚазАқпарат» агенттігінің меншікті тілшісі
31.	«Үздік сарапшы»	Құлтанова Баян Рахатқызы – «Қоғам ТВ» телеарнасының шеф редакторы
32.	«Аймақ жаршысы»	Тәжібаева Райхан Тоғызбаева – республикалық «24 kz» телеарнасының меншікті тілшісі
33.	«Қырағы журналист»	Нұрмағанбетов Нұржан Әбжанұлы– тәуелсіз «Халық» газетінің бас редакторы
34.	«Үздік заманауи журналист»	Жақыпбек Нұрлан Жаңақұлұлы – республикалық «Хабар» телеарнасының меншікті тілшісі
35.	«Үздік сюжет»	Құлмырзаева Мөлдір Серікқызы - облыстық «Қазақстан-Қызылорда» телеарнасының шеф редакторы
36.	«Жаңалық жаршысы»	Бекенов Қамбар Ғалымұлы– республикалық «24 kz» телеарнасының меншікті тілшісі
37.	«Үздік очерк»	Жалғасова Гүлжазира Тельманқызы – облыстық «Сыр бойы» газетінің бөлім басшысы
38.	«Үздік журналистік зерттеу»	Еңсегенов Әбдірахман Тоқболатұлы – облыстық «Кызылординские вести» газетінің тілшісі
39.	«Үздік аудандық газет»	«Тіршілік тынысы» Сырдария аудандық газеті, бас редакторы – Сәуле Ерімбет
40.	«Үздік телеоператор»	Қожамұратов Бауыржан Байтілеуұлы - облыстық «Қазақстан-Қызылорда» телеарнасының телеоператоры
41.	«Үздік жоба»	Мұратова Айзада Маратқызы - «Қоғам ТВ» телеарнасының редакторы
42.	«Үздік дизайн»	Ділдабекова Гүлмира Мағлұмқызы – тәуелсіз «Ақмешіт ақшамы» газетінің жауапты хатшысы
43.	«Жастар жаршысы»	Қырдан Дәулет Тұрсынханұлы – Ақмешіт жастары газетінің тілшісі
44.	«Руханият жаршысы»	Олжабаева Ақмарал Кәдірханқызы – «Ақмешіт апталығы» газетінің бөлім басшысы
45.	«Үздік монтажер»	Қуанышбаев Самат Болатұлы - облыстық «Қазақстан-Қызылорда» телеарнасының монтажері
С. Бермағанбетов атындағы жас журналистер байқауының жүлдегерлері
46.	СЕРІКБОЛҚЫЗЫ Мереке	«Қазақстан қоғамдық телерадиокомпаниясы» ЖШС редакторы
47.	АДАЙБАЕВА Сара Қорғанбайқызы	«Сыр бойы» газетінің тілшісі

ҚР Журналистер одағының дипломдарымен

марапатталғандар тізімі

№	Аты-жөні	Қызметі
Журналистер Одағының Құрмет Грамотасымен марапатталғандар
1	Махмұтбай Әміреұлы	«Сыр ардагері», «Сыр мектебі» газеттерінің редакторы
Журналистер Одағының дипломдарымен марапатталғандар
2	Бекарыстанов Тілеген Ысқақұлы	«Қызылорда қоғамдық телерадиокомпаниясы» ЖШС шолушы-редакторы
3	Қасымова Айсұлу Жұмабаевна	«Қазақстан» Республикалық Телерадиокомпаниясы» АҚ Қызылорда облыстық филиалы директорының орынбасары
4	Аймағанбетова Жеңіс	«Ақмешіт ақшамы» газетінің тілшісі
5	Жанәлі Бибісара Таңатарқызы	«Тіршілік тынысы» газеті бас редакторының орынбасары