ҚЫЗЫЛОРДАЛЫҚ ТӘРТІП САҚШЫЛАРЫНА ПӘТЕР КІЛТІ ТАБЫС ЕТІЛДІ
Қазақстан полициясы күніне орай кеше Нартай Бекежанов атындағы облыстық музыкалық драма театрында Қызылорда облысының әкімі Қ.Көшербаевтың қатысуымен салтанатты шара өтті.
Мерекелік шара барысында облыс әкімі Қырымбек Елеуұлының құттықтау сөзі тыңдалып, облыс әкімінің құзырымен өзінің қызметтік міндеттерін адал орындап, нәтижелі көрсеткіштерге қол жеткізгені үшін департаменттің 60 қызметкері және ішкі істер органдарының 10 ардагері марапатталды. Сонымен қатар, аймақ басшысы 2 полиция қызметкеріне әлеуметтік қолдау көрсету мақсатында салтанатты түрде пәтер кілтін табыстады. Осы уақытқа дейін пәтер жалдап келген Қызылорда ҚІІБ Жергілікті полиция қызметінің полицейі полиция сержанты Үбітаев Нұрбол Қайратұлы мен полиция капитаны Кускеев Жұлдызбек Серікұлының отбасы енді қоныс тойын тойлайтын болады.
Жиын барысында Ішкі істер министрі полиция генерал-полковнигі Қасымов Қалмұханбет Нұрмұханбетұлының мерекелік жеделхаты оқылып, министрдің құзырымен 19 қызметкер марапат биігінен көрінді. Оның ішінде «Құқық тәртібін қамтамасыз етуге қосқан үлесі үшін» медалімен Жаңақорған ауданы ішкі істер бөлімінің бастығы полиция полковнигі Қарынбаев Саттар Әбіләзімұлы және Қалалық ішкі істер басқармасының бастығы полиция подполковнигі Беркімбаев Дәулет Сүлейменұлы, ІІ дәрежелі «Ішкі істер органдарының үздігі» омыраулық белгісімен Шиелі ауданы ішкі істер бөлімі бастығының орынбасары полиция подполковнигі Абуов Досым Жорабекұлы мен ОІІД Криминалды полиция басқармасының жедел уәкілі полиция капитаны Алтынбекұлы Әділ марапатталды. Ал, Жалағаш ауданы ішкі істер бөлімінің жергілікті полиция қызметінің учаскелік полиция инспекторы полиция капитаны Сұлтанов Мирамбек Сағындықұлына «полиция майоры» арнаулы атағы бір саты жоғары берілді.
Мұнан соң сөз Қызылорда ОІІД бастығы полиция полковнигі Ж.Сүлейменовке беріліп, марапаттау бұйрығы таныстырылды. Департамент бастығының бұйрығымен 137 қызметкер және 10 ардагер марапатталды.
Мерекелік іс-шара концерттік бағдарламамен қорытындыланып, халықтың тыныштығы мен қауіпсіздігін қорғап, қоғамдық тәртіпті қамтамасыз ету бағытында абыройлы қызмет етіп жүрген полиция қызметкерлерінің құрметіне әндер айтылып, билер биленді.
Қызылорда ОІІД баспасөз қызметі
Мерекелік шара барысында облыс әкімі Қырымбек Елеуұлының құттықтау сөзі тыңдалып, облыс әкімінің құзырымен өзінің қызметтік міндеттерін адал орындап, нәтижелі көрсеткіштерге қол жеткізгені үшін департаменттің 60 қызметкері және ішкі істер органдарының 10 ардагері марапатталды. Сонымен қатар, аймақ басшысы 2 полиция қызметкеріне әлеуметтік қолдау көрсету мақсатында салтанатты түрде пәтер кілтін табыстады. Осы уақытқа дейін пәтер жалдап келген Қызылорда ҚІІБ Жергілікті полиция қызметінің полицейі полиция сержанты Үбітаев Нұрбол Қайратұлы мен полиция капитаны Кускеев Жұлдызбек Серікұлының отбасы енді қоныс тойын тойлайтын болады.
Жиын барысында Ішкі істер министрі полиция генерал-полковнигі Қасымов Қалмұханбет Нұрмұханбетұлының мерекелік жеделхаты оқылып, министрдің құзырымен 19 қызметкер марапат биігінен көрінді. Оның ішінде «Құқық тәртібін қамтамасыз етуге қосқан үлесі үшін» медалімен Жаңақорған ауданы ішкі істер бөлімінің бастығы полиция полковнигі Қарынбаев Саттар Әбіләзімұлы және Қалалық ішкі істер басқармасының бастығы полиция подполковнигі Беркімбаев Дәулет Сүлейменұлы, ІІ дәрежелі «Ішкі істер органдарының үздігі» омыраулық белгісімен Шиелі ауданы ішкі істер бөлімі бастығының орынбасары полиция подполковнигі Абуов Досым Жорабекұлы мен ОІІД Криминалды полиция басқармасының жедел уәкілі полиция капитаны Алтынбекұлы Әділ марапатталды. Ал, Жалағаш ауданы ішкі істер бөлімінің жергілікті полиция қызметінің учаскелік полиция инспекторы полиция капитаны Сұлтанов Мирамбек Сағындықұлына «полиция майоры» арнаулы атағы бір саты жоғары берілді.
Мұнан соң сөз Қызылорда ОІІД бастығы полиция полковнигі Ж.Сүлейменовке беріліп, марапаттау бұйрығы таныстырылды. Департамент бастығының бұйрығымен 137 қызметкер және 10 ардагер марапатталды.
Мерекелік іс-шара концерттік бағдарламамен қорытындыланып, халықтың тыныштығы мен қауіпсіздігін қорғап, қоғамдық тәртіпті қамтамасыз ету бағытында абыройлы қызмет етіп жүрген полиция қызметкерлерінің құрметіне әндер айтылып, билер биленді.
Қызылорда ОІІД баспасөз қызметі
