Ксения СОБЧАК: ЛЕНИНДІ ЖЕРЛЕП, КРЕМЛЬДІҢ ЕСІГІН АЙҚАРА АШАР ЕДІМ
Ресей президенті болмаққа талпыныс жасап жатқан тележүргізуші Ксения Собчак егер осы мүмкіндікке қолы жетсе, ең алдымен орындайтын үш міндетін атап өтті, деп хабарлайды https://baq.kz/ ақпарат агенттігі.
Бұл туралы Ксения Юрий Дудьтың YouTube-каналындағы «вДудь» сұқбат алаңында айтқан.
Тележүргізуші алдағы уақытта РФ перзиденті болса әуелі Мемлекеттік Думаны таратып жібермекші. Себебі ол мұндай бір айтқанын қайталай беретін «тотықұс текті» Думаның болғанынан болмағаны жақсы деп отыр.
Екінші кезекте Владимир Лениннің мумияланған денесін жер қойнына тапсырмақшы.
«Бұл жақсылық пен жамандықтың шекарасы. Қалай дегенмен біз орта ғасырда өмір сүріп жатқан жоқпыз ғой» - дейді Собчак.
Үшіншіден Ксения Кремльді есігі айқара ашық алаңға айналдырмақшы.
«Мен біздің Парламенттің де керемет ғимаратта отыруға, президент қайда отырса, сол жерде отыруына құқы бар деп санаймын. Әрі бұл ең маңызды әрі символикалық мәні бар мәселе деп ойлаймын» - дейді Президент болғысы келетін журналист.
Сондай-ақ, тележүргізуші егер сайлауда тағы да Путин жеңіп, өзіне премьер-министр болуды ұсынатын болса, ол ұсыныстан бас тартатынын айтты.
