ИНДОНЕЗИЯДА ҚАБАН МЕН ИТ ШАЙҚАСЫ ТАБЫСТЫ БИЗНЕСКЕ АЙНАЛДЫ
Егер төбет жеңсе, иттің иесі екі мың доллар пайда табады, деп хабарлайды https://baq.kz/kk/ақпарат агенттігі РИА Новости-ге сілтеме жасап.
Алаңға бір төбет (көбіне – питбультерьер) пен қабанды жіберіп, төбелестіреді. Жарысқа қатысу құны иттің үлкен-кішісіне қарай 15-тен 150 долларға дейін құбылады. Егер төбет қарсыласын жеңсе, оның иесі екі мың доллар алады.
Иттер мен қабандардың төбелесі Батыс Явада 1960 жылдардан бері ұйымдастырылып келеді. Дәл сол жылдары өңірде жабайы қабандар қаптап, тұрғындар жаппай аулауға көшкен еді.
Жергілікті халық үшін мұндай төбелес қылмыс емес, бар болғаны аңшылықтың бір элементі.
«Бұл біздің дәстүріміз бен мәдениетіміздің бір бөлшегіне айналды», - дейді төбелесті ұйымдастырушысы Нур Хади.
Алайда жануарларды қорғаушылар мүлде басқа пікірде.
«Бұл жануарларға қарсы жасалып отырған қылмыс. Үкімет пен коммерциялық емес ұйымдар мұндай жарыстарды тоқтатуы керек», - деп санайды индонезиялық қорғаушы Марисон Гуачино.
