ШАШЫН ДҰРЫС ҚИМАҒАНЫ ҮШІН ӨЛТІРІП ТАСТАДЫ. ВИДЕО
Шашының қиылғанын ұнатпай қалып, өзбек шаштаразды өлтірген ресейлік ұсталды, деп хабарлайды https://baq.kz/kk ақпарат агенттігі https://rus.ozodlik.org/-ге сілтеме жасап.
Шашымды дұрыс алмадың деген желеумен кісі өлтірген ресейлік бұрын да екі рет сотталған болып шықты.
13 қазан күні Мәскеудің Губцево ауылында екі ер адам жанжалдасып қалған. Сол кезде айыпталушы жәбірленушінің кеуде тұсына 3-4 рет темір сұғып алып, оқиға орнынан қашып кеткен. Алған жарақаттарының нәтижесінде жәбірленуші сол жерде көз жұмған.
«Жедел іздестіру шаралары кезінде күдікті ұсталды. Ол өзінің істеген ісін мойындады», - дейді Ресей ТК МТБ ресми өкілі Юлия Иванова.
Федерация кеңесінің сенаторы Антон Беляков өзінің Facebook парақшасында қайтыс болған жігіт Өзбекстаннан келіп, шаштаразшы болып жұмыс істегенін жазған.
Бейсенбі күні шаштаразда істейтін жігіт айыпталушының шашын алып берген. Келесі күні ол қайтып келіп, қиылған шашының ұнамайтынын айтқан.
«Шашының қиылған үлгісі ұнамаған жігіт шаштаразшыны сыртқа алып шығып, оның жүрек тұсына 3 рет шампур сұғып алған», - деп жазған Беляков.
