ЖАНТҮРШІГЕРЛІК ЖОЛ АПАТЫ ВИДЕОҒА ТҮСІП ҚАЛДЫ
Заинск-Набережные Челны тас жолында екі жүк көлігі мен жеңіл автокөлік соқтығысты, деп хабарлайды https://baq.kz/kk/ ақпарат агенттігі Бизнес Online басылымына сілтеме жасап.
Жол апаты 11 қазанда болған. Құбыр тасымалдаған MAN, қызылша тиелген КамАЗ бен ВАЗ-2111 жеңіл автокөлігі соқтығысты.
Алдын ала мәліметтер бойынша, жеңіл көлік жүргізушісі қосалқы жолдан шығып, КамАЗ-бен соқтығысқан. Қатты соққыдан екі көлік те қарсы жолаққа шығып кетіп, MAN автокөлігіне соғылды.
Салдарынан жүк көлігіндегі құбырлар ВАЗ-2111 автокөлігінің үстіне құлаған.
Құтқарушылар жеңіл көліктен 80 жастағы ер адам мен 65 жастағы әйелдің мәітін шығарды. Жүк көліктерінің жүргізушілері ауруханаға жеткізілді. Олардың біреуі өте ауыр халде жансақтау бөлімінде жатыр.
