ИТ ТІРІЛЕЙ ЖЕРЛЕНГЕН СӘБИДІ ҚҰТҚАРЫП ҚАЛДЫ
Қытайдағы Цзянцзинь қаласында ит тірідей жерленген нәрестені құтқарды. Иесінің айтуынша, иті табандарымен бар күшін сала жерді қазып жатқанын байқайды. Қазылған шұңқырға жақындап келген ол жерде ақ матаға орап тастаған, шырылдап жылап жатқан сәбиді көрген, деп хабарлайды Sun агенттігіне сілтеме жасаған Қазақпарат. Құтқарылған шақалақтың дүниеге келгеніне бір ғана ай болған көрінеді. Жүрек соғысы әлсіреген, дене қызуы төмендеген нәрестені шұғыл ауруханаға жеткізілді. Қазір ол дәрігерлердің қарауында, біртіндеп жазылып келеді. Полиция оның туған-туыстарын іздестіріп жатыр.
Алдын ала болжам бойынша, сәбидің ата-анасы оны өлді деп есептеп жерлеген болуы ықтимал.
