Kyzylorda-News.kz

         Бүгінде Ресейдегі отбасылардың 6.5 пайызы ғана көпбалалы. Бұл отбасыларда елдегі балалардың жалпы санының бестен бірі өсіп келеді. Оларды қолдау мақсатында демография, көші-қон және өңірлік даму инститының директоры Юрий Крупнов РФ президенті Владимир Путинге «Көпбалалы отбасылар мәртебесі жайлы» заң жобасын ұсынды.

      Құжатта бала тәрбиелеу ісіне жұмсалған уақытты еңбек өтіліне жатқызу, оларға тегін жер телімін беру, тіпті баласы аздарға салық салу ұсынылып отыр, деп хабарлайды «Известия» газеті.

      Авторлар сарапшылар қауымдастығы өкілдерін қатыстыра отырып жасалған бұл заң жобасы жүзеге аса қалған жағдайда елдегі 1,5 млн көпбалалы отбасы мәселесі түбегейлі шешіліп, 2030 жылға қарай демографиялық ахуал жақсара түседі деген сенімде.  

     — Заң жобасы Ресей президентінің   2012 жылғы 7 мамырдағы «Ресей Федерациясында демографиялық саясатты жүзеге асыру шаралары» жайлы № 606 жарлығына сәйкес жасалып отыр,— дейді Юрий Крупнов.

      Бірақ осы елдегі  әлеуметтік-саяси тұрақсыздықтағы тәуекелдерді бақылау зертханасының орынбасары Андрей Коротаев отбасында бала саны аз азаматтарға салық салу туралы идеяны жүзеге асыру мүмкін еместігін айтып отыр. Оның айтуынша, бұл салық түрі баласы жоқ отбасыларды заңға қарсы қоюдан басқа ештеңе әпере қоймайды.