КРАСНОЯРСКІДЕ ЖҮРІП КЕЛЕ ЖАТҚАН ТРАМВАЙ ӨРТЕНДІ. ВИДЕО
Ресейдің Красноярск қаласында жүріп келе жатқан трамвай өртеніп кеткен. Бүгін таң алдында болған бұл оқиға жайлы "Россия 24" арнасы хабарлайды.
Бұл сәтте трамвай салонында оншақты жолаушы болыпты. Түтін исі сезілісімен күрт тоқтаған көліктен бәрі шығып үлгірген. Хабарламада бір әйелдің ғана денесін күйік шалғаны айтылады.
Әп-сәтте отқа оранған трамвайға тексеру жүргізген мамандар өрт тоқтың қысқа тұйықталуынан болған деген байлам жасап отыр. Өртті сөндіруге төтенше жағдайлар қызметінің 8 адамы мен 2 техника тартылған.
