КЕНГУРУ АЯҚ АСТЫ БӘЙГЕГЕ ҚОСЫЛЫП КЕТТІ. ВИДЕО
Австралияда ипподромда өтіп жатқан бәйгеге қоршаудан өтіп кеткен кенгуру қосылып кетті. Бұл оқыс жағдай бейнекамераға түсіп қалған.
Жаңа Оңтүстік Уэльс штатындағы Сеснок қаласындағы бәйгеде аяқ астынан кенгуру пайда болып, бірнеше секунд жүгіріп өткен. Кеше болған осы оқиға жайлы Daily Mail басылымына сілтеме жасаған Вести.РУ хабарлап отыр.
Кенгуру ілесе жүгіріп, сәлден кейін аттардың алдын кесіп өткен күйі ғайып болады. Жарыстан кейін мамандар бұл оқиғаның зардабы ауыр болуы мүмкін екенін айтып, жағдайдың сәтті аяқталғанына қуаныш білдірді.
