ТАНЗАНИЯ ПРЕЗИДЕНТІ ЖАЛҒАН ДИПЛОММЕН ЖҮРГЕН ОН МЫҢ ШЕНЕУНІКТІ ҚЫЗМЕТІНЕН БОСАТТЫ
Танзанияда жоғары білім алғандығы жайлы дипломы жалған болып шыққан 9 мың 932 мемлекеттік қызметкер жұмыстарын босатты. Оларды қызметтен қуу туралы ел президенті Джон Магуфули тікелей тапсырма берген, деп хабарлайды РИА Новости. Президент қызметінен босағандардың орнын аз уақытта кәсіби мамандар басатынын айтады. Сондай-ақ, Магуфули жергілікті БАҚ басшыларына мемлекеттік қызметтен аластатылғандардың тізімін толық жариялауды тапсырды.
Өзі Танзания президенті болып сайланған 2015 жылдан бастап Магуфули ең алдымен мемқызмет қатарын тазартуды қолға алған еді. Ол жоғарғы биліктегі жемқорлық пен алаяқтықты осы арқылы жеңетініне сенімді болып отыр.
