Kyzylorda-News.kz

 

    Мемлекеттік бюджетке кірістер бойынша Қызылорда өңірінің 2016 жылғы бірінші тоқсандағы көрсеткіштерінде оң өсім қарқыны бар. Департамент республикалық бюджетке 10 млрд. 886 млн. теңге түсім түсуін қамтамасыз етті, жоспардың орындалуы – 135,2 пайыз.

    Жергілікті бюджетке өндірілген салықтар мен төлемдер көлемі 9 млрд. 52 млн. теңгені құрады, жоспар 35 пайызға артығымен орындалды. Салықтар мен төлемдерден борыштар жыл басындағы 3 айда 301 млн. теңгеге, борышкерлер саны 6,1 мыңға азайды.
    Басым бағыттар - камералдық бақылау, өндірістік емес төлемдерді әкімшілендіруді күшейту және жергілікті атқарушы, құзыретті органдармен өзара байланысты жетілдіру жолымен қосымша кірістер көзін қамтамасыз ету. Нәтижесінде бірқатар қарқынды көрсеткіштерге қол жеткізілді:
    ▪ камералдық бақылау және салық төлеушілермен жүргізілген әңгімелесу қорытындысымен қосымша 1 млрд. 485 млн. теңгенің төлемдері мен салықтары өндірілген, бұл өткен жылдың осы кезеңіндегі көрсеткіштен 66,5 пайызға артық;
    ▪  Экономикалық тергеу қызметімен бірлескен жалған кәсіпкерлерді анықтау бағытындағы шаралардың тиімділігі арттырылып, нәтижесінде бірінші тоқсанда 7 тұлға жалған кәсіпкер болып танылып, мемлекетке келтірілген 1,2 млрд. теңге залал анықталды.   ▪  27 кешенді және 50 тақырыптық, 338 жекелеген бағыттар бойынша тақырыптық тексерулер тағайындалып, жалпы сомасы 10 млрд. 437 млн. теңгенің салықтары мен төлемдері қосымша есептелді, бұл өткен жылдың бірінші тоқсанымен салыстырғанда, 3 млрд. 629 млн. теңгеге артық.
    ▪  кеден төлемдері бойынша 2 млрд. 439 млн. теңге бюджетке өндіріліп, жоспарлы тапсырма 104,7 пайызға орындалды.
    Мәдина ЕСЕТОВА,
    Қызылорда облысы бойынша МКД
    талдау және тәуекелдер басқармасының бас маманы