Kyzylorda-News.kz

 

    Қызылорда қаласындағы былтыр көктемде іске қосылған «Максима логистикс Казахстан» ЖШС бүгінге дейін құны 67,2 млн. теңгені құрайтын 2,4 млн. дана кірпіш өндірген.

    Облыстық ішкі саясат басқармасынан хабарлағандай, кәсіпорында украиналық «Красный октябрь» компаниясының құрал-жабдығы орнатылған. Мұнда екі түрлі пішінде керамикалық кірпіш шығарылуда. Зауыт жеке және заңды тұлғалардың сұранысын қанағаттандырады.
    Жалпы құны 300 млн. теңге болатын жоба аясында ашылған серіктестікте елу адам жұмыспен қамтылған.
    Назерке САНИЯЗОВА