Kyzylorda-News.kz

  

  Ұлттық банк Үкіметпен бірлесе отырып, зейнетақы қоры қаражатын үлестірудің ашық тетіктерін жасауға дайын. Бұл туралы ҚР Парламенті мәжілісінің кеңейтілген отырысында ҚР Ұлттық банк төрағасы Данияр Ақышев мәлім етті.
    «Жеке тоқталғым келген маңызды мәселелердің бірі - Бірыңғай жинақтаушы зейнетақы қорының активтерін инвестициялауға қатысты. Қазіргі қиын экономикалық жағдайларды ескере отырып, ағымдағы инвестициялау құрылымын өзгерту қажеттігі туындауда. Дегенмен негізгі міндетіміз халықтың жинаған зейнетақыларын қауіпсіздікте сақтау. Өзге мәселелердің барлығы екінші сатыда. Сондықтан зейнетақы қоры қаражатын пайдалану жөніндегі барлық ұсыныстар тек олардың қауіпсіздігі қамтамасыз етілген жағдайда қаралуы тиіс», - деп атап өтті ол.
    Оның сөзіне қарағанда, қордың қаражаттарын инвестицияламас бұрын, оның қауіпсіздігі сақталатын жаңа шешімдерді жасақтау қисынды.
    «Ұлттық банк Үкіметпен бірлесе отырып, зейнетақы қоры қаражатын үлестірудің ашық тетіктерін жасауға дайын», - деді Д.Ақышев.