Қызылорда облысында көмір бағасы тұрақты
oldkaz.kyzylorda-news.kz. Облыс көлемінде әлеуметтік нысандарға жылдық жоспар бойынша 37 мың тонна көмір, 22,0 мың тонна дизель отыны қажет. Бүгінде қажетті отын көлемін жеткізуші мекемелермен келісім шарт жасалып, кезең-кезеңімен жеткізілуде. Бұл туралы Өңірлік коммуникациялар қызметінде өткен баспасөз конференциясында облыс әкімінің орынбасары Марат Делмұханов және жауапты сала басшылары мәлімдеді.
"Тұрғындарға қажетті отын қорын қаматамасыз ету мақсатында Қызылорда қаласы және аудан әкімдіктерімен өңір кәсіпкерлерімен көмір бағасын өсірмеу мақсатында меморандумдар жасалды. Жоспар бойынша қажетті көмр отыны 186,4 мың тонна. Қазір облыс бойынша 31 көмір қабылдау пункттері бар. Бағасы тұрақты 13-16 мың теңгенің аралығында. Көмірдің жеткізілуін біз күнделікті бақылауда ұстап отырмыз", - деді облыстық энергетика және тұрғын үй-коммуналдық шаруашылық басқармасының басшысы Медет Усаин.
Сонымен қатар, сала басшылары жылу беру маусымы кезеңінде көмір тапшылығын болдырмау және едәуір арзан бағада көмір отынын алу мақсатында, көмірді қазан-қараша айларында емес, бүгіннен бастап сатып алу қажет екендігін де ескертті.
