ҚАРМАҚШЫ: ЖОБАЛАР НЕСИЕЛЕНДІРІЛУДЕ
Қармақшы ауданында «Бизнестің жол картасы - 2020» бизнесті қолдау мен дамытудың бірыңғай бағдарламасы шеңберінде несиелендірудің пайыздық ставкасын субсидиялау және ішінара кепілдендіру бойынша жыл басынан 7 жоба 122,7 млн теңгеге несиелендірілді. Сонымен қатар, екінші деңгейлі банктердің қарауына жалпы құны 544,8 млн. теңге болатын 5 жоба ұсынылды.Бұл туралы аудан әкімі Сұлтан Мақашов брифингте мәлімдеді.
«Бизнестің жол картасы - 2020» бағдарламасы шеңберінде гранттар беру бойынша 33 жобаға 23,2 млн. теңге бөлінді. Ал «Микробизнес-Қызылорда» бағдарламасы шеңберінде «Қызылорда» Өңірлік инвестициялық орталығы» ЖШС-нен 22 жоба 62,9 млн. теңгеге несиелендірілді.
Сонымен қатар, «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы» аясында жыл басынан бері барлығы 69 жоба 217,8 млн. теңгеге қаржыландырылды. Оның ішінде «Ауыл шаруашылығын қаржылай қолдау қоры» АҚ филиалы арқылы 54 жоба 183,2 млн. теңгеге, «Қызылорда» өңірлік инвестициялық орталығы» ЖШС арқылы құны 34,6 млн. теңге болатын 15 жоба несиелендірілді.
«Даму-Аймақтар» бағдарламасы шеңберінде «Жаңажол» ЖШС айналым қаражатын толықтыру мақсатында «Қазақстан Халық Банкі» АҚ облыстық филиалынан 83,6 млн. теңгеге несиелендірілді.
