Kyzylorda-News.kz

    Тұрмыс деңгейі
    2014 жылдың тамыз айында халықтың орташа жан басына атаулы ақшалай табыстары (бағалау бойынша) 53436 теңгені құрады. Өсім 2013 жылдың тамыз айымен салыстырғанда атаулы ақшалай табыстар үшін 8,5%-ды құрады, нақты ақшалай табыстар үшін   1,0%-ға жоғарылады.
    Еңбек рыногы және еңбекақы төлеу
    2014 жылдың II тоқсанында жұмыссыздар саны, бағалау бойынша 18,1 мың адамды құрады. Жұмыссыздық деңгейі экономикалық белсенді халық санына 5,0% құрады. Жұмыспен қамту органдарында жұмыссыздар ретінде тіркелгендер саны 2014 жылдың қыркүйек айының соңына 3,2 мың адамды құрады немесе экономикалық белсенді халық санына 0,9%.
    2014 жылдың тамызында қызметкерлерге есептелген орташа айлық атаулы жалақы (алдын ала деректер) 105138 теңгені құрады. 2013 жылдың тиісті кезеңіне қарағанда өсім 5,5% болды. Осы кезеңде нақты жалақы (алдын ала деректер) 1,8 пайызға азайды.
    Баға
    Тұтыну бағаларының индексі 2014 жылғы қыркүйекте 2013 жылғы желтоқсан айымен салыстырғанда 106,3% құрады. Азық-түлік тауарларына бағалар 5,0%, азық-түлік емес тауарлар – 7,0%, ақылы қызметтер көрсетуге – 7,0%-ға өсті. Өнеркәсіп өнімін өндіруші кәсіпорындар бағалары 2014 жылғы  қыркүйекте 2013 жылғы желтоқсан айымен салыстырғанда 10,9%  жоғарылады.
    Ұлттық экономика
    2014 жылғы қаңтар-қыркүйекте негізгі капиталға салынған инвестициялар көлемі 198474 млн. теңгені құрады, бұл 2013 жылғы қаңтар-қыркүйегімен салыстырғанда 13,4%-ға кем.
    2014 жылдың 1 қазандағы тіркелген заңды тұлғалар саны 8590 бірлікті құрады, оның ішінде 7935 бірлік 50 адамнан аз қызметкерлері бар. Жұмыс істеп тұрған заңды тұлғалар саны 6160 құрады, оның ішінде шағын кәсіпорындар – 5505 бірлік.
    Сауда
    2014 жылғы қаңтар-қыркүйекте бөлшек сауда көлемі (қоғамдық тамақтандыру айналымынсыз) 122376,8 млн. теңгені құрап, 2013 жылдың қаңтар-қыркүйегімен салыстырғанда 23,4% артты.
    Экономиканың нақты секторы
    2014 жылғы қаңтар-қыркүйекте өнеркәсіп өндірісінің көлемі ағымдағы бағаларда 877330,2 млн. теңгені құрап, нақты көлем индексі 2013 жылғы қаңтар-қыркүйектегі  деңгейден 3,3% кеміді. Кен өндіру өнеркәсібі және карьерлерді қазу 4,1% кемісе, өңдеу  өнеркәсібіндегі өсім 0,7%,  электрмен жабдықтау, газ, бу және ауа баптауда – 22,6%  құрады.
    Ағымдағы жылдың қаңтар-қыркүйек айында ауыл шаруашылығы жалпы өнімінің көлемі  35944,2 млн. теңгені құрап, 2013 жылмен салыстырғанда  1,1% артық.
    2014 жылдың қаңтар-қыркүйекте жүк айналымының көлемі 9919,3 млн. ткм (коммерциялық жүк тасымалдаумен айналысатын көліктік емес ұйымдар мен кәсіпкерлердің жүк айналымы көлемінің бағалауы есебімен) құрады, бұл 2013 жылдың сәйкес кезеңімен салыстырғанда 0,2% артты.
    Қаржы жүйесі
    2014 жылғы 2 тоқсанда кәсіпорындар мен ұйымдардың қаржы нәтижесі табыс ретінде 101993,0 млн. теңге сомасында қалыптасты, бұл 2013 жылғы сәйкес кезеңдегі деңгейден 22,2%-ға көп. Пайдалылық деңгейі 58,3% құрады. Есеп берген кәсіпорындардың жалпы санынан залалды кәсіпорындар үлесі 30,6%.
    Қызылорда  облысының  статистика  департаменті