Kyzylorda-News.kz

 

    2016 жылғы 20 қазанда Халықаралық эпизоотиялық бюроның ресми нотификациясы бойынша Ресей Федерациясы Владимир облысының Вышманово ауылы аумағында аусыл ауруы (Foot and mouth disease) тіркелген. Бұл туралы ҚР АШМ ресми сайтында жарияланған.

    Владимир облысы 2016 жылы ХЭБ-мен аусыл ауруынан вакцинациясыз ерікті аймақ құрамына жататындығын ресми түрде иеленген.
    ХЭБ-ның Жер беті жануарлар санитарлық кодексінің 8.8.2 бабына сәйкес аусыл ауруына қарсы вакцинация (егу) жүргізілмейтін, аусыл ауруынан бос аймақтың талаптарының біріне белгіленген аймақта аусыл ауруының соңғы 12 ай ішінде тіркелмегендігі болып табылады.
    Жоғарыдағыны ескере отырып, Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті 2016 жылғы 25 қазаннан бастап Ресей Федерациясынан Қазақстан Республикасына төмендегі тауарлар кіргізуіне уақытша шектеулер енгізеді:
    аусылға бейім жануарларды;
    сиыр етін;
    шошқа етін;
    қой етін;
    сүт және сүт өнімдерін;
    жылулық өндеуден өткен дайын өнімдер;
    аусылға бейім жануарларды союдан алынған тағамға қолданылмайтын шикізаттар мен бұйымдарын;
    аусылға бейім малдарды ұстауға, союға және өңдеуге қолданылған жабдықтарын;
    жануарларға арналған азықтар мен азықтық қоспалар.