12 тамыз: Атаулы күндер мен оқиғалар
Халықаралық жастар күніБҰҰ Бас Ассамблеясының қарарына сәйкес, 1999 жылғы желтоқсанның 17-нен бастап атап өтіледі (Лиссабон, 1998 жылғы тамыздың 8-і мен 12-і аралығы).
Қазақстанда құрылысшылар күні
Әр жыл сайын тамыздың екінші жексенбісінде осы кәсіп иелері мерекелеп келеді. ҚР Үкіметінің 2017 жылғы 31 қазандағы №689 қаулысымен бекітілген. Құрылысшылар күнін қазақстандықтармен бірге Армения, Беларусь, Ресей, Украина, Қырғызстан да атап өтеді.
1999 жылы Қазақстан Республикасының «Селекциялық жетістіктерді қорғау туралы» Заңы жарияланды.
2009 жылы «Халықаралық бағдарламалар орталығы» АҚ мен «Мемлекеттік қызметтің персоналын басқару ұлттық орталығы» АҚ арасындағы ынтымақтастық жөніндегі меморандумға қол қойылды.
2012 жылы Лондондағы ХХХ жазғы Олимпиада ойындарындағы бокстан 69 келіге дейінгі салмақ дәрежесінде Серік Сәпиев Қазақстан құрамасы қоржынына кезекті алтын медальді олжалады.
2015 жылы сол кездегі Қазақстан және Қырғызстан Президенттері Нұрсұлтан Назарбаев пен Алмазбек Атамбаев қазақ-қырғыз шекарасын ресми түрде ашық деп жариялады.
