Қызылордада жеңіл көлік аударылып, бір адам қаза тапты
![](https://oldkaz.kyzylorda-news.kz/uploads/posts/2019-06/1559984581_20190607213644.jpg)
Бұл келеңсіз жағдай 6 маусым күні орын алған. «Lada Granta» маркалы автокөлігінің жүргізушісі рульге ие бола алмай, жолдан шығып кетіп, аударылған. Салдарынан бір жолаушы оқиға орнында көз жұмды.
«Аталмыш жол-көлік оқиғасы бойынша ҚР Қылмыстық Кодексінің 345-бабының 3-бөлігімен тергеп-тексеру амалдары жүргізілуде. Онда көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы, абайсызда адам өліміне әкеп соққан іс-әрекет жағдайы көрсетілген. Тиісті сараптамалар тағайындалды. Оқиғаның мəн-жайлары анықталуда», - деп мәлім етті Қызылорда облыстық полиция департаментінің баспасөз қызметі.