ӨНЕР ҰЖЫМЫНЫҢ ЖЫЛДЫҚ ЖЕТІСТІГІ САРАЛАНДЫ
Елбасы Н.Назарбаевтың «Болашаққа бағдар: рухани жаңғыру» бағдарламалық мақаласын кеңінен насихаттау мақсатында облыстық филармония ұжымы концерт өткізді. Шара Астана қаласының 20 жылдығы және Қызылорда қаласының 200 жылдығы мерекесі аясында «Түнгі қала» тақырыбымен ұйымдастырылды.Сахна шымылдығын «Томирис» би ансамблінің бишілері ашып, көрермен қауымға «Қазыналы қазағым» атты биді ұсынды. Талантымен талайды таң қалдырған К.Қалымбетова белгілі жыршы әрі композитор А.Тәңірбергеновтің «Үкілім» және бауырлас қырғыз халқының әні «Бішкектен келген қара көз» әндерін, ал жергілікті «Тұран» триосы «Анаға арнау» әнін орындап, асқан шеберлікпен өнер көрсетті.
Көрермен қауымды ә дегеннен желпіндіртіп, ерекше құлшынысын тудыртты. Осылайша ырғақты би әсем әнге ұласып, түрленіп, керемет бір күйге енді. Бұл концерттің мақсаты Елбасы Н.Назарбаевтың «Болашаққа бағдар: рухани жаңғыру» бағдарламалық мақаласын насихаттау.
Айта кету керек, соңғы кездері әншілер әсері жоқ «фонограмаға» әуес. Қазақи өнерге тән емес, талантты тежейтін осы бір тәсілді өнерпаздар жиі пайдаланатын болып жүр. Киелі сахнада көзбояушылық жасайтындар көбейді. Бұл өнер ұжымының ерекшелігі – әншілері түгелдей жанды дауыста шырқайды.
Келесі кезекте сахнаға әнші Н.Нұраддинова шықты. Ол Е.Хасанғалиевтің әні «Гүлсезімге» кезек берсе, Г.Әлиханова А.Қоразбаевтың әні «Әгугай домбыра» әнін, ал Р.Ысқақова Г.Әлімбекованың «Қош бол көктемін» тебірене орындап, жұртшылықтың ықыласына бөленді.
Мұнан соң дәстүрлі орындаушылар З.Баймырза пен Б.Қарғабаев тыңдарман назарына қазақ халық әндерінен «Поппурри» орындап, ұлттық өнерімізді дәріптеді. Әнші-композитор И.Елубаева өзі шығарған «Асыл ана» әнін орындаса, Р.Үсенов аспапты трионың сүйемелдеуімен шеберлікпен өнер көрсете білді,сонымен қатар талантты жас әнші Б. Молдабергенов көрерменнің сұранысына ие болған «Түнгі қала» әнін ұсынды.
Осылайша, 45-маусымның жабылуына орай өткен есептік концерттік бағдарламада дәстүрлі халық әндерімен қатар эстрадалық, клаасикалық шығармаларда орындалып, өнерпаздар ел ықыласына бөленді.
Шара филармония гимнімен қорытындылап әсем әуендерімен көрермендерді баурап алды.
