ТАЛСУАТТА ГАЗ УАҚЫТША АЖЫРАТЫЛДЫ
18 мамыр күні сағат 22.59-да "ҚазТрансГазАймақ" авариялық жедел құтқару қызметіне Талсуат елді мекені тұрғындарынан хабарлама кеп түскен. Шкафтық газ реттегіш пунктінің алдындағы құбырлар қосылған жерден газ шыққан.
"Жедел жеткен арнайы топ сол сәтте АГРС-1-дің Т-1 құбырын жапты.
Бүгінде Талсуат оңалту орталығы мен 201 тұрғын үй көгілдір отыннан ажыратылды. Таңертеңнен бастап "ҚазТрансГазАймақ" жұмысшылары қайта қалпына келтіру жұмыстарын жасап жатыр", - дейді облыстық энергетика және тұрғын үй, коммуналдық шаруашылық басқармасының бөлім басшысы Олжас Исмаваев.
Газдың берілу уақыты қосымша хабарланатын болады.
