Kyzylorda-News.kz

Қорқыт Ата атындағы Қызылорда мемлекеттік университетінің №1 оқу ғимаратында философ-ғалым, профессор Мұстафа Матаев атындағы дәрісхана ашылды. Салтанатты шараға Қызылорда облысының зиялы азаматтары, ғалымның замандастары мен туған-туыстары, шәкірттері, Қорқыт Ата ата атындағы Қызылорда мемлекеттік университетінің оқытушы-профессорлары қатысты.

Жиында алғысөз cөйлеген университет ректоры, техника ғылымдарының докторы, профессор Қ.А.Бисенов Мұстафа Матаевтың саналы ғұмырындағы ғылымға қосқан өлшеусіз үлесі мен адамгершілік болмысының өскелең ұрпақ үшін маңызы зор екендігін тілге тиек етті.

Сонымен қатар, философ-ғалымның шәкірті, бүгінде Қызылорда облыстық мәслихатының хатшысы Н.Байқадамов ұстазының өнегелі өмірі жайында баяндама оқып, еселі еңбектерінің ұрпақ жадында мәңгі сақталатындығын жеткізді.