ДУШАНБЕДЕ ҚАНЫШ СӘТБАЕВҚА МЕМОРИАЛДЫ ТАҚТА АШЫЛДЫ
Тәжікстан Республикасы Ғылым академиясының Геология институтында Орталық Азияда геологиялық ғылымға өз үлесін қосқан көрнекті қазақстандық ғалым Қ.Сәтбаевқа ескерткіш ретінде мемориалдық тақта ашу салтанаты өтті.Қазақстанның Тәжікстандағы Елшісі Н.Сейтімов өз сөзінде Қ.Сәтбаевты тәжік жерінде мәңгі есте қалдыру туралы Қазақстан Елшілігінің ұсынысына қолдау білдіргені үшін Тәжікстан басшылығына ризашылығын білдіріп, ғылым саласындағы Қазақстан-тәжік байланыстарының қарқынды дамитынын атап өтті.
ТР Ғылым академиясының вице-президенті Х.Муминов академик Қ.Сәтбаевтың Тәжікстандағы қызметінің жоғары рөлі туралы хабардар етті және екі ел ғалымдары қазіргі толқынының ғылым саласындағы тығыз байланыстарды қолдайтынын атап көрсетті.
Іс-шараға ТР Ғылым академиясы басшылығының, ғылыми қоғамдастықтардың, «Қазақстан-Тәжікстан» достық қоғамының, қазақ диаспорасының өкілдері қатысты.
