ПОЛИЦЕЙЛЕР ҰЙЫМДАСҚАН ҚЫЛМЫСТЫҚ ТОПТЫҢ МҮШЕСІН ҚҰРЫҚТАДЫ
9 сәуірде Қызылорда облысы Ішкі істер департаментінің ұйымдасқан қылмысқа қарсы күрес басқармасының қызметкерлері Алматы облысы аумағында құқық қорғау қызметінен бой тасалап жүрген Серікбаев Әділет есімді облыс тұрғынын анықтап, ұстады. Полицияның жедел ақпаратына сәйкес, ол ұйымдасқан қылмыстық топтың мүшесі болған және қылмыстық әлемде «Әдөн» есімді лақап атымен танымал болған. Аталған азамат құрықталып, Уақытша ұстау абақтысына қамаққа алынды.Жасаған бұзақылық қылмысы үшін (ҚР Қылмыстық кодексінің 293-бабы 3-бөлігі 2-тармағы) 4 жылға бас бостандығынан айыру жайлы Қызылорда облысы сотының үкімінен кейін қашып кеткен 25-жастағы тұлға өткен жылдың қараша айынан бастап іздеуде болған.
Қызылорда ОІІД баспасөз қызметінің мәліметіне сүйенсек ол бұрын қылмыстық жауапкершілікке тартылып, бірнеше қылмыстары үшін сотты болған.
