ҚҰҚЫҚ ҚОРҒАУШЫЛАР АРАСЫНДАҒЫ ФУТБОЛ ЖАРЫСЫ
«Динамо» спорт кешенінде Қызылорда қалалық ішкі істер басқармасының ұйымдастыруымен құқық қорғау органдарының қызметкерлері арасында футболдан жарыс өтті. Жарыстың басты мақсаты – құқық қорғау органдары қызметкерлер арасында салауатты өмір салтын дәріптеу, қызметкерлердің дене шынықтыру дайындығын жоғары деңгейде ұстауын қамтамасыз ете отырып, спорттық даярлығын көтеру болып табылады.Додаға барлығы 8 команда, 100 қызметкер қатысты. Тартысты өткен кездесуде І орынды Құқықтық статистика және арнайы есепке алу басқармасы иеленді. Ал келесі жүлделі орынды Қызылорда қаласының ішкі істер басқарманың Тергеу бөлімі құрама командасы алса, ІІІ орынға Қызылорда облысының мамандырылған күзет қызмет басқармасы тұрақтады.
Сондай-ақ, жарыс шеңберінде «үздік қорғаушы», «үздік шабуылшы», «үздік қақпашы», «үздік ойыншы» аталымдары бойынша үздіктер анықталды.
Жарыс соңында жеңімпаз командалар мен жүлдегерлер жарыс кубогымен, дипломдармен және бағалы сыйлықтармен марапатталды.
