ЖЕДЕЛ САТЫЛЫ КӨПІР ПАЙДАЛАНУҒА БЕРІЛДІ
Ұлыстың ұлы күні – Наурыз мерекесі қарсаңында Қызылорда қаласындағы Абай даңғылының бойынан жаяу жүргіншілерге арналған аспалы көпір ел игілігіне берілді.Айта кетейік, осыған дейін мұндай көпірлер қаладағы Қазыбек би көшесі мен Абай даңғылы бойынан салынған еді. Алайда, бұл көпірдің өзгелерден ерекшелігі «Ақылды қала» жобасы аясында жүзеге асты. Себебі, оған мүмкіндігі шектеулі жандарға ыңғайлы жағдай жасау үшін арнайы жедел саты (лифт) орнатылған. Жаяу жүргіншілерге арналған бұл көпірдің құны 171,2 млн. теңгені құраған.
